తుని తగవు

 తుని తగవు: 

తూర్పుగోదావరి జిల్లాకు ఉత్తర సరిహద్దులోని ఊరు తుని.

 

తగవంటే న్యాయం, ధర్మం.

పోట్లాట కాదు.

వాడుకలో మాటలు కలిపి 'తుత్తగవు' అని కూడా పలుకుతారు.

ఇద్దరు వ్యక్తులు అప్పుసప్పుల గురించి, లావాదేవీల గురించి ఘర్షణ పడితే సంధి చేసే విధానాల్లో ఇదొకటి.

మాట వరుసకు ఒకరు పది రూపాయలు బాకీ వుందంటే, మరొకరు అయిదే తీసుకొన్నానంటే - సగటున ఏడున్నర రూపాయలిచ్చి తగాదా చంపుకొమ్మనటం తుత్తగవు. 

ఉభయపక్షాలకూ సమానంగా బాధ కలిగించటమే ఇందులోని పరమార్థం.

తగాదాను కొనసాగించకుండా చంపటం రెండో లక్ష్యం.

ఇలాంటి భావంతోనే "రామాయపట్నం మధ్యస్థం" లాంటి జాతీయాలు పుట్టాయి.

ఇలా ఎన్ని ఊళ్ల పేర్ల మీద ఇదే భావం చెప్పే జాతీయాలు పుట్టాయో లెక్కగట్టడం కష్టం.

~బూదరాజు రాధాకృష్ణ గారు 

“తూర్పుగోదావరిజిల్లాకున్ను విశాఖపట్నం జిల్లాకున్ను మధ్యస్థంగా తుని ఉంది. 

దాన్ని గోదావరి జిల్లాలో చేర్చడమా? విశాఖపట్నం జిల్లాలో చేర్చడమా? అనే తగవు ఒకటి సంభవించింది. చాలా కష్టమైన సమస్య అయింది. 

అటువంటి విభజనకు కష్టసాధ్యమైన  క్లిష్టసమస్యలకు తునితగవు సామ్యం అయింది."

~కాశీనాథుని నాగేశ్వరరావు పంతులు గారు 

8-7-1953 ఆంధ్రసచిత్రవారపత్రిక